Opnað hefur verið fyrir umsóknir í lögreglufræði fyrir verðandi lögreglumenn næstkomandi skólaár við Háskólann á Akureyri. Umsóknarfrestur er til og með 31. mars 2025.
Sótt er um á heimasíðu Háskólans á Akureyri, https://ugla.unak.is/namsumsoknir/
Allar upplýsingar varðandi umsóknarferlið er að finna á heimasíðu Mennta- og starfsþróunarseturs Mennta- og starfsþróunarsetur lögreglu, https://menntaseturlogreglu.is/umsoknarferlid/.
Fyrri hluti inntökuferils hefst í byrjun apríl á þrekprófi, skriflegu frásagnarverkefni og sálfræðiprófi. Seinni hluti inntökuferilsins fer fram í lok apríl og byrjun maí. Síðastliðið vor var gerð breyting á lögreglulögum og heimila þau nú inntöku nemenda í námið sem verða 19 ára á inntökuári eða eldri.
Gert er ráð fyrir því að endanleg niðurstaða varðandi hverjir komast inn í námið liggi fyrir í júlí.
Vakin er athygli á að lögreglan leggur áherslu á jafnrétti og fjölbreytileika bæði innan lögreglunnar og í þjónustu við almenning í samræmi við lykilgildi lögreglunnar um virðingu, heilindi og traust. Því eru öll hvött til að sækja um í lögreglufræðina.
Fyrirspurnir varðandi námið og umsóknarferlið er hægt að senda á heidrunosk@unak.is og starfsnam@logreglan.is.