Auk starfsnáms hjá Mennta- og starfsþróunarsetri lögreglu hljóta lögreglufræðanemar starfsþjálfun undir handleiðslu reyndra lögreglumanna.

Starfsþjálfun fer fram í lögregluembættum landsins, á fjórða og síðasta misseri lögreglufræðanámsins. Nemendur velja sér starfsþjálfunarembætti og verður reynt að verða við þeim óskum.

Nemendur eru undir handleiðslu reyndra lögreglumanna á meðan á starfsþjálfun stendur. Handleiðarar lögreglu leiðbeina og stýra nemendum við almenn lögreglustörf. Nemendur fá einnig innsýn í störf rannsóknarlögreglu ásamt fleiri þætti lögreglustarfsins. Handleiðarar gefa að lokum umsögn um nemandann sem vegur þungt í heildstæðu mati á frammistöðu hans í öllu starfsnáminu.